Transcription
1
Monsieur, ayant donné ordre en ce lieu de Monthelez et du chasteau,
2
estoys party pour men retourner à Yzeron. Comme jay esté auprès
3
de La Baulme jay treuvé ung homme qui mappourtoyt des lettres
4
de ma seur où il en avoyt une quil vous avoyt pleu mescripre
5
quon mavoyt envoyé de Grenoble. Ledit pourteur ma asseuré
6
que, passant par della Sainct Nazère que le bruyct estoyt
7
que les rebelles avoyent saysy le Pont de Royans et que
8
monsieur de la Cardonnyère sestoyt allé mectre dans la
9
Saulve, et que messieurs de Bolongne debagagoyent pour sen
10
aller, quest locazion que ne suys hosé passer de lon, creignant
11
quelque rancontre de ses gens, et men suys revenu en ce lieu
12
pour men retourner demain pour Roumans pour donner ordre à ma
13
mayson d’Yzeron qu’ilz ne la surpreignent, qui ne peult estre
14
sans quil vous playse, monseur, volloyr appoincter la requeste
15
que je vous envoye, et sy nest bien de besoing, il ne se
16
fera aulcune despance au peys silz sont logés au Pont.
17
Il seroyt impossible garder ledit chasteau parce quil est de
18
grand garde. Il vous playrra avoyr esgard que silz sen sesisoyt
19
il ne pourroyt decendre ny monter batheaulx. L’homme que jay
20
à Paris mavoyt mandé pour my en aller pour chose qui minportoyt
21
de mes affères. Je ne my en yrey pour encores, veu les affères
22
en ce pays comme ilz sont. Attandant voz commandementz, et pour
23
fère très humble service à mon roy et à la patrie, et ce quil
24
vous playrra me commander, nespargnerey ma vie ny mon bien de
25
telle affection, que je vous sallue par mes très humbles recommandations,
26
priant le Createur vous donner,
27
monsieur, en parfaicte sancté, très heureuse et très longue vie. De
28
votre mayson de Monthelez, ce vingt unieme mars 1574
29
Votre très humble et hobeyssant
30
serviteur
31
Montelyes